ताप्लेजुङ । ‘नो केबलकार’ समूहले ग्लोबल आईएमई बैँक घेराउ गरेका छन् । ताप्लेजुङको पाथीभरा क्षेत्रमा निर्माण गर्न लागिएको केबलकारको विरोधमा रहेको उक्त समूहले मङ्गलबार ग्लोबल आईएमई बैँक घेराउ गरेका हुन् ।
सरकारसँग आइतबार बसेको दुई पक्षीय वार्ता बिना निष्कर्ष टुङ्गिएपछि नो केबलकार समूहले आईएमई र ग्लोबल आईएमई बैँक बहिष्कार गर्ने सहितका आन्दोलनको कार्यक्रम घोषणा गरेको गरेका थिए । सोही अनुसार ताप्लेजुङसहित पूर्वका विभिन्न जिल्ला तथा सहरमा रहेका ग्लोबल आईएमई बैङ्कका शाखाहरू घेराउ गरेको नो केबलकार समुहको भनाई छ ।
ग्लोबल आईएमई बैङ्कका शाखाहरू घेराउ गरिएपछि मङ्गलबार बैङ्किङ सेवा प्रभावित भएको बताइएको छ । यस्तै आईएमई मनी ट्रान्सफर केन्द्रहरूमा पनि बहिष्कार कार्यक्रमअन्तर्गत नै घेराउ गरिएको नो केबलकार समूहले जनाएको छ ।
मङ्गलबारदेखि आउँदो फागुन ९ गतेसम्म ग्लोबल आइएमई बैङ्कसहित आइएमई केन्द्र कोशी प्रदेशभरि र देश विदेशमा बहिष्कार गर्ने घोषणा गरिएको छ । यस्तै मुक्कुमलुङ बचाउ पदयात्रा, केबलकार अनुमति खारेजीका लागि फुङ्लिङ नगरपालिका घेराउ गर्नेदेखि यातायात बन्ददेखि आमहड्ताल सम्मका कार्यक्रम गर्नेगरी आन्दोलनका कार्यक्रम घोषणा गरिएको छ ।
नो केबलकार समूह र प्रहरीबीच भएको झडपमा चलेको गोली लागेर आफ्ना कार्यकर्ता घाईते भएपछि अनिश्चित यातायात बन्द गरेका थिए । सरकारसँग भएको पहिलो वार्तामार्फत ६ बुँदे सहमति पश्चात बन्द फिर्ता लिएका थिए । तर आफूहरूले हिजो साँझसम्मको अल्टिमेटम दिँदा समेत बेवास्ता गरेकाले सङ्घर्षका कार्यक्रमहरू घोषणा गर्न बाध्य भएको नो केबलकार समुहको भनाई छ ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
